59.2% e popullsisë shqiptare e aftë për punë, sot e ka të siguruar një vend pune. Shkalla e punësimit për tre muajt e parë të vitit u rrit me 4.9% krahasuar me një vit më parë, nga ana tjetër niveli i papunësisë shënoi rënien më të madhe historike, në vlerën 12.5% sipas të dhënave të Institutit të Statistikave.<br /><br />Në një konferencë nga salla e kryeministrisë, ministri i Financave Arben Ahmetaj tha se koha kur kishim rritje ekonomike, të pashoqëruar në punësim ka mbaruar.<br /><br />?Modeli i ri ekonomik, ai që ne nisëm së bashku në 2013-ën po funksionon. Pikë së pari rritje ekonomike me rritje punësimi, rritje ekonomike me ulje papunësie, rritje ekonomike me rritje të numrit të ndërmarrjeve, rritje ekonomike cilësore me rritje të fuqisë blerëse.?<br /><br />Vetëm në 5 muajt e parë të këtij viti janë hapur 26 mijë e 500 vende të lira pune dhe janë punësuar 11 mijë persona.<br /><br />?Vetëm në muajin Maj, janë shpallur 8 mijë e 442 vende të lira pune. Ndërkohë që janë realizuar 11 mijë e 88 punësime, pra ndërmjetësime nga Shërbimi Kombëtar i Punësimit në pesëmujor dhe vetëm në muajin Maj janë realizuar 3 mijë e 439 punësime me ndërmjetësim.?<br /><br />Rritjen më të madhe të punësimit në terma vjetorë e pati industria dhe shërbimet, ndërsa krahasuar me tremujorin e fundit të 2017-ës, dega e industrisë pati një rënie të vendeve të punës me -1.1%.
